NATi 2022 Produksies
NASIONALE AFRIKAANSE TEATER-INISIATIEF
‘n Akkerboom
Die man wat die motor bestuur het, is ’n hipnotiseur wat sedert die ongeluk sy krag van suggestie verloor het … ’n Akkerboom is ’n buitengewone produksie; tydens elke vertoning betree ’n ander akteur of aktrise saam met die hipnotiseur die verhoog om die pa te vertolk, sonder dat hulle ’n woord van die teks gelees het. ’n Asemrowende stuk oor vertolking, verlies, die krag van woorde en suggestie.
Agulhasvlakte
Milly, ’n bloemis, veg haar hele lewe lank teen die verandering van natuurskoon in ’n spesiale gebied van biodiversiteit wat ook haar geboortegrond is, naamlik die Agulhasvlakte.
Bientang: bloedspoor/!nau
Bientang: bloedspoor/!nau is ’n verwerking van die bekroonde digter Jolyn Phillips se tweede digbundel, Bientang.
Die dinge van ‘n kind
Dis die traumas van grootword, swangerskap en selfmoord teen die agtergrond van die 70’s se politieke leuens en die verminking van jong mans in die Grensoorlog. ’n Produksie vir elke ma, elke dogter, en die mans in hul lewe.
Die halwe huis
Vandag is die dag wat Bumper alles gaan beëindig. Sy mes is skerp en hy’t mooi nageslaan oor hoe hy moet sny, maar voor hy sy twee polse oopvlek, wil hy darem sy kant van die storie vertel.
Die moeder
Anna se kinders het grootgeword en het lewens en liefdes van hul eie. Van ure alleen deurbring begin die wêreld om haar kantel. Het haar man regtig ’n verhouding? Het haar gunstelingseun werklik huis toe gekom? Of het die eensaamheid Anna tot waansin gedryf? Die moeder (oorspronklik The Mother) is ’n boeiende portret van leënessindroom deur die bekroonde dramaturg Florian Zeller, wat ook The Father geskryf het.
die oerkluts kwyt
Antjie Krog en Antoinette Kellermann, wyd bemind en veel bekroond in die skryf- en teaterwêreld, word in 2022 albei 70.
Die Suid-Afrikaners
In die verloop van ’n aand bespiegel Karina, Karel, Kasper en Katryn oor
die toekoms en baklei hulle oor die verlede. Hulle wonder of hulle
die laaste oorblywende Afrikaners is, of dit enigsins saak maak, en
drink ’n heildronk op hul gunsteling- Afrikaanse woorde. Die Suid-Afrikaners handel oor Afrikaans praat en Afrikaans wees: wat bly
oor van taal, kultuur en identiteit as alles anders vernietig is? En wie
se skuld is dit dat alles só uitmekaargeval het? Dit ís ’n komedie.
Belowe.
Ek wens, ek wens
Ek wens, ek wens is ’n fabelagtige verhaal oor Seb, ’n lykbesorger wat ’n grys, eenvoudige en ongelukkige bestaan lei.
Ek, Anna van Wyk
Ek, Anna van Wyk word beskou as ’n klassieke werk in Afrikaans en is ook voorgeskryf vir skole. Dis een van die sterkste en mees komplekse vrouerolle wat in Afrikaans geskryf is.
KRAAL
Die teks word aangebied as ’n sekwens van drome wat op ’n “inheemse” manier “vertaal” is. Sommige tonele is geïnspireer deur klassieke werke soos Koning Lear, Oedipus Tyrannus en Hamlet. ’n Magiese herverbeling van die skrywer se voorvaderlyn in ’n poging om wonde te heel binne die nalatenskap van ’n oorgeërfde dopstelsel.
Mixtape van die Liefde
Dit bevat stemme van diverse Suid-Afrikaanse digters. Dit reik oor temas, kultuurgroepe en generasies heen, maar op die ou end word almal ewe hard omgedolwe, platgetrek óf opgehef deur die liefde. Die musikante, akteurs en kunswerke is perfek gekies om hierdie Mixtape van die liefde vlerkte te gee.
Mutton Hour
In Mutton Hour bring van ons voorste teaterlui kort stories oor liefde, verlies, hansworse en katte na die verhoog – lekker lawwe verhale vol humor, musiek en kamishibai, die Japannese tegniek van geïllustreerde storievertelling.
Op hierdie dag
Geïnspireer deur Dylan Thomas se Under Milk Wood, stel Op hierie dag deur storievertelling, musiek, sang, poësie en fisieke teater die verskeidenheid van Oudtshoorn-inwoners, beide werklik en verbeel (soms herverbeel), bekend en ons sien hoe hul dae oor parallelle tydraamwerke verloop.
Opdrifsel
Mara en Bernard verloor hul tienerseun, Dylan, en daarmee saam hul idee van familie, van ‘ons’. Hulle rou op verskillende maniere en sukkel om mekaar te ondersteun. Daar is baie vrae, maar geen antwoorde nie. Verwyte, woede, beskuldigings en toe deure kenmerk hul smart tydens die eerste Kersfees sonder Dylan. ’n Aangrypende storie oor mense wat hulleself én mekaar in die donkerte van rou verloor – en weer moet vind.
Pietersielie en Roosmaryn vertel stories
Met vele instrumente, ’n poppekas en hul kleurryke persoonlikhede is dié twee veral passievol oor die waarde van stories. Op hul reise ontmoet hulle vir Prinses Pampoenpit en Faizel, ’n meisietjie en ’n seuntjie, wat deur hul stories die belangrike les leer dat almal uniek en spesiaal is.
Spertyd
My dogter sê: ‘Ma, mens bly nooit in ’n doodloopstraat nie. Jy draai om, ry terug en kry ’n nuwe koers.’ Dit klink baie dapper, maar ek is nie meer dapper nie.” Só eerlik en onsentimenteel skryf die bekroonde Elsa Joubert oor die oudwordproses. Prinsloo volg haar vorige, kragtige eenvrouvertonings (Kamphoer, Oskar en die pienk tannie en Die naaimasjien) op met hierdie werk wat inspireer en ontroer, maar ook vertroos.
Tom gaan plaas toe
Verblind deur sy smart word Tom ingetrek in die familie se disfunksionele verhoudings, begeertes en pretensies.
Hy ontbloot egter ‘n nalatenskap van leuens en ‘n afgryslike trauma wat die rustigheid van die plaaslewe kan verwoes. ‘n Psigologiese riller oor waagmoedige mitomanie te midde van onbetwiste konserwatisme: Baie moet leer lieg lank voordat hulle kan leer liefhê.
Tweespoor
Hul verhale gaan hand aan hand. Een deel herinneringe uit haar oënskynlik idiliese kinderjare op ʼn plaas in die 1960’s. Die ander moet in vandag se Suid-Afrika koers hou, te midde van misdaad en “rewolusie”. Die teks het ʼn satiriese ondertoon, maar waag ʼn intieme blik op die soort traumatiese gebeure wat vroue se perspektief kan omkeer en hul drome herskryf.
