Wie kan die skokfoto van ’n verdrinkte Siriese baba uitgespoel op ’n Griekse strand in 2015 vergeet? Die wêreld is geruk deur die verknorsing van vlugtelinge en
ontworteldes wêreldwyd, ’n dilemma skynbaar sonder oplossing. Twee jaar later is daar steeds ekstremisme, oorlog, armoede en nood terwyl mense steeds die oseane aandurf op soek na hul beloofde land.

The Loft Puppet Company saam met The Abonwabisi Brothers en die Londense regisseur Oliver James Hymans, self ’n bedrewe poppemeester, vertel die aangrypende storie van ’n jong seun op pad deur dié ongenaakbare wêreld.
’n Multidimensionele musiekproduksie met poppeteater, animasie en koorsang. Agter die masker van ’n nar skuil die gesig van menslikheid en hoop.