“Skemer daal neer op Arbeidsgenot op Oudtshoorn. Angelique Jacobs, ’n veiligheidswag by die Langenhoven – museum, maak gereed om die huis na die besienswaardigheid en museum te sluit … En dan begin die verlede by haar spook. Letterlik. Want die vroue in Langenhoven se lewe is nie so geneë met die weergawe van die stories wat oor hulle vertel word nie. Dit wat Angelique gedink het sy weet en wat sy as die waarheid verkondig, word uitgedaag deur die spoke wat ’n gans ander verhaal het om te vertel. Marianne Th amm, bekroonde ondersoekende joernalis, debuteer met haar eerste toneelstuk. Haar nuuskierigheid oor wie en wat Langenhoven was en wat hy vandag beteken, het haar gelei na die vroue in sy lewe. Thamm bied met humor en patos ’n nuwe blik op ’n geskiedenis w at almal dink hulle ken, en dalk val daar net ’n geraamte of twee uit die kas. Regisseur Lee -Ann van Rooi word in 2025 vereer met die Kunste Onbeperk – Kruispunt -prys. “