NATi Produksies

Tiaan en Egbert word op die eerste repetisiedag van ’n nuwe stuk deur hul teksskrywer in die steek gelaat. Dinge raak rof soos die akteurs planne beraam om uit hul verknorsing te kom.

Liewe Heksie het ’n visstok present gekry. “Haai oe, dis vir my so lekker as ek ’n vis vang. Dan sing ek sommer ’n liedjie en die vis wil saamsing. Ek weet, want sy bek gaan so oop en toe. Of dalk gaap hy omdat hy moeg is, dan gooi ek hom terug en vang ’n nuwe ene.”

’n Plekspesifieke ingrypingskuns-vertoning wat korte mette maak van patriargie, veral in die Suid-Afrikaanse konteks.

Michelle Martin, vrou en medepligtige van die kinderverkragter en -moordenaar Marc Dutroux, word deur die media bestempel as die “mees gehate vrou in België”.

Twintig akteurs, tien regisseurs, tien skrywers – spesiaal vir die 20ste Suidoosterfees. Kort, kragtige dialoë vir daardie oomblikke van sielsverkwikking tussen jou feesproduksies. Gratis elke dag!

Een van Antjie Krog se grootste geskenke aan Suid-Afrika is haar vertalings van gedigte uit verskeie inheemse tale in Afrikaans.

Kraal is ’n magiese herverbeling van die skrywer se voorvaderlyn in ’n poging om wonde te heel binne die nalatenskap van ’n oorgeërfde dopstelsel.

Die Jantjies-gesin woon in die hartjie van Distrik Ses, vasberade om hul huis van gedwonge verskuiwing te red. Die regering se “liefdesbriewe” aan inwoners dat hulle moet trek, is pas uitgereik.

Heather haat pouse. Want al is sy die uitbundige dux-leerder, is sy bruin. En dis ’n wit, plattelandse skool. Dit verander egter gou wanneer Gideon in die skool kom.

Hy word ’n hoerkind genoem. Op ses gaan hy kinderhuis toe. Sy stiefpa skiet op hom. Op 13 beland hy in die kloue van ’n pedofiel.

Wanneer Dean September agterkom sy foon het weggeraak, loop dié jong entrepreneur dadelik op sy voetspore terug. Sy foon was sy lewensaar en daarsonder is alles deurmekaar en betekenisloos.