NATi Produksies
NASIONALE AFRIKAANSE TEATER-INISIATIEF
- Alle produksies
- 2017
- 2018
- 2019
- 2020
- 2022
- 2023
- Alle produksies
- 2017
- 2018
- 2019
- 2020
- 2022
- 2023
Magda Louw
Magda Louw bevind haarself in haar herfsjare op nasionale televisie en skielik is sy nie net meer die tannie in die straat nie, maar die tannie in mense se sitkamers, en nou ook die tannie op die verhoog.
Femme is Fatale
Optogte is georganiseer, stille protes het plaasgevind en die President het leë beloftes gemaak. In Femme is Fatale, ’n splinternuwe eenvroukabaret wat al in 2020 die lig moes sien, ondersoek Elzabé Zietsman met sang en stories hierdie ander epidemie wat dreig om die kern van die Suid-Afikaanse gemeenskap te vernietig. Ná twee jaar op die ys, is Elzabé Zietsman en haar span gereed om dié euwel bloot te lê.
Tom gaan plaas toe
Verblind deur sy smart word Tom ingetrek in die familie se disfunksionele verhoudings, begeertes en pretensies.
Hy ontbloot egter ‘n nalatenskap van leuens en ‘n afgryslike trauma wat die rustigheid van die plaaslewe kan verwoes. ‘n Psigologiese riller oor waagmoedige mitomanie te midde van onbetwiste konserwatisme: Baie moet leer lieg lank voordat hulle kan leer liefhê.
Mixtape van die Liefde
Dit bevat stemme van diverse Suid-Afrikaanse digters. Dit reik oor temas, kultuurgroepe en generasies heen, maar op die ou end word almal ewe hard omgedolwe, platgetrek óf opgehef deur die liefde. Die musikante, akteurs en kunswerke is perfek gekies om hierdie Mixtape van die liefde vlerkte te gee.
Tweespoor
Hul verhale gaan hand aan hand. Een deel herinneringe uit haar oënskynlik idiliese kinderjare op ʼn plaas in die 1960’s. Die ander moet in vandag se Suid-Afrika koers hou, te midde van misdaad en “rewolusie”. Die teks het ʼn satiriese ondertoon, maar waag ʼn intieme blik op die soort traumatiese gebeure wat vroue se perspektief kan omkeer en hul drome herskryf.
Terminaal 3
Terminaal 3 is ’n aangrypende drama wat handel oor die skade van eiebelang en wat dit aan kinders doen.
‘n Akkerboom
’n Man verloor sy dogter in ’n motorongeluk. Niks is meer soos dit was nie. Dis asof hy in ’n toneelstuk is, maar nie die woorde of die bewegings ken nie. Die man wie die motor bestuur het, is ’n hipnotiseur wat sedert die ongeluk sy krag van suggestie verloor het.
Die moeder
Moederskap is ’n voltydse werk, en dan isdit eensklaps verby. Anna se kinders het grootgeword en het lewens en liefdes van hul eie. Van ure alleen deurbring, begin die wêreld om haar kantel. Het haar man regtig ’n verhouding?
Die Suid-Afrikaners
In die verloop van ’n aand bespiegel Karina, Karel, Kasper en Katryn oor
die toekoms en baklei hulle oor die verlede. Hulle wonder of hulle
die laaste oorblywende Afrikaners is, of dit enigsins saak maak, en
drink ’n heildronk op hul gunsteling- Afrikaanse woorde. Die Suid-Afrikaners handel oor Afrikaans praat en Afrikaans wees: wat bly
oor van taal, kultuur en identiteit as alles anders vernietig is? En wie
se skuld is dit dat alles só uitmekaargeval het? Dit ís ’n komedie.
Belowe.
KRAAL
Die teks word aangebied as ’n sekwens van drome wat op ’n “inheemse” manier “vertaal” is. Sommige tonele is geïnspireer deur klassieke werke soos Koning Lear, Oedipus Tyrannus en Hamlet. ’n Magiese herverbeling van die skrywer se voorvaderlyn in ’n poging om wonde te heel binne die nalatenskap van ’n oorgeërfde dopstelsel.
My hart is ‘n muurbal (en ander gedagtes)
’n Man raak verlief op ’n standbeeld. ’n Pa keer terug uit die dood. Die laaste twee gay mans op aarde moet besluit of ’n verhouding die moeite werd is.
SEWE DOODSONDES
Hierdie snydende anti-
kapitalistiese satire volg die skisofreniese Anna op haar “reis van
sonde” deur Amerika terwyl sy probeer geldmaak om huis toe te
stuur na haar lui familie. Charl-Johan Lingenfelder se radikale
verwerking put inspirasie uit ’n onvoltooide manuskrip deur Hennie
Aucamp. Bianca le Grange lei ’n geselskap van twintig dansers,
sangers en musikante.
Die Poet
Sy trou het by sy gewete gelê. Sy taal het ’n atmosfeer,
’n merkwaardige teenwoordigheid, ’n presence geskep. Dit dra die
volle lot en noodlot van die mense wat dit praat. Wie’s hierdie poet
wat ons steeds help om ons herkoms te erken, ons in mekaar te
herken en ons toekoms saam te verken?
Hans steek die Rubicon oor
Op 90 is Hans nog springlewendig. Sy kinders in die buiteland boender hom egter uit sy lekker huis in die Kaap na Huis Madeliefie. Hans se vindingryke pogings om uit die ouetehuis te ontsnap, word egter deur sy kinders en ’n drakoniese matrone in die wiele gery.
Laerskool Noord
Laerskool Noord se leuse is “Kyk noord en stoot voort”, maar in hierdie lekkerlag-produksie is dit allesbehalwe die geval. Drie onderwyseresse beplan ’n verrassingsafskeidspartytjie vir hul skoolhoof se aftrede.
SesTIEN
Ons stel hierdie jaar in Linden ʼn splinternuwe platform vir teater bekend. “Unplugged” en aan die beweeg. Daar is komedie en klug, woordkuns, gewone aardse stories, en ook die seer van afskeid neem. ’n Bredie van die heel beste kort drama en teater binne reikafstand van die gehoor. Bring jou stapskoene, jou sonhoed, selfs ’n stoel as dit dan moet, en kom deel in ’n wérklik unieke ervaring.
